சினிமா சினிமா

சவுண்ட் பார்ட்டி உதயகுமார் என்னை சினிமா சினிமா தொடர் பதிவு எழுத அழைத்துள்ளார்! முயற்சி செய்கிறேன்! அழைப்புக்கு நன்றி!

அப்புறம் நான் ரசித்தவை (இந்த பதிவு வரிசையில்...)

சினிமா - மலரும் நினைவுகள் ஒரு அப்டேட்


*******************************************************************
1. எந்த வயதில் சினிமா பார்க்க ஆரம்பித்தீர்கள்? நினைவுதெரிந்து கண்ட முதல் சினிமா? என்ன உணர்ந்தீர்கள்?

தமிழ் படம். ஆறு வயது இருக்கும். துடிக்கும் கரங்கள். எங்கள் தோட்டத்திர்க்கு அருகில் ஷூட்டிங் எடுத்தார்கள். அதனால். விஜயகுமார் இன்னொரு நடிகர் என்று நினைக்கிறேன். ஸ்டைல் தான் நினைவில் உள்ளது. பாப்கார்ன் வங்கி தர சொல்லி அப்பாவை கேட்டது ஞாபகம் உள்ளது.

2. கடைசியாக அரங்கில் அமர்ந்து பார்த்த சினிமா?

சரோஜா. சத்யம் காம்ப்ளெக்ஸ். தியேட்டர் சிரிப்பு சத்தம், பாதி டைலாக்ஸ் புரியவில்லை. ஹீரோயின் படத்தில் எதற்கு என்று தோன்றியது!

3. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?

பாலைவன சோலை. நட்பு பற்றி ஒரு அழகான படம். டிவிடி. டெக்னிகலா நல்லா இல்லை. பாட்டுக்கள் அருமை. அதே கதை வைத்து புது வசந்தம், வானமே எல்லை போன்ற படங்கள் வந்தன, கொஞ்சம் மாற்றங்களுடன்.

4. மிகவும் தாக்கிய தமிழ்ச்சினிமா

சேது. ஒரு சாதாரண கதை. காதலால் பயித்தியம் ஆவது நம்ப முடியவில்லை. பாலா நம்புமாறு எடுத்திருந்தார். அபிதா குஜலாம்பாள் பெயர் இன்னும் நினைவில் உள்ளது. மிகவும் தாக்கிய விஷயம், விக்ரம், உடல் வருத்தி நடித்தது.

5-அ. உங்களை மிகவும் தாக்கிய தமிழ்ச்சினிமா-அரசியல் சம்பவம்?

பாபா. படபெட்டி எடுத்து ஓடினார்கள் சில ஊர்களில். அந்த விளம்பரமும் படத்தை ஓட்ட வைக்க முடியவில்லை. ரஜினிகாந்தின் மானம் போனது. விளம்பரத்தால் மட்டும் சினிமா வியாபாரம் நடக்காது என்று முதல் முறை சொன்ன படம். இப்போது குசேலன் மூலம். தண்டம்.

5-ஆ. உங்களை மிகவும் தாக்கிய தமிழ்ச்சினிமா - தொழில்நுட்ப சம்பவம்?

அபூர்வ சகோதரர்கள், குள்ள கமல். இன்னும் எப்படி செய்தார்கள் என்று தெரியவில்லை. சில சீன்ஸ் குழி வெட்டியுள்ளார்கள். சிலதில் கிராபிக்ஸ்.

6. தமிழ்ச்சினிமா பற்றி வாசிப்பதுண்டா?

இண்டர்நெட்டில் தான். அப்புறம் குமுதம் மற்றும் அனந்த விகடன் சினிமா செய்திகள்.

7. தமிழ்ச்சினிமா இசை?

எப்பவும் இளையராஜா. இப்போது ஹாரிஸ் ஜெயராஜ். ரஹ்மான், யுவன் மூலம் சில நல்ல முயற்சிகள் நடக்கின்றன.

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?

ஆம். ஹிந்தி, தெலுங்கு, மலையாளம் என பார்த்துள்ளேன்.

ஆங்கிலம் டிவிடி கிடைப்பது பொறுத்து.

மேட்ரிக்ஸ் படம் மிகவும் தாக்கியது, கிராபிக்ஸ் மூலம்.

சென்ற ஞாயிறு. கார்ட்டூன் நெட்வொர்க். ஆங்கிலம். ஐஸ் ஏஜ் 2. குழந்தைகளும் பெரியவர்களும் என்ஜோய் செய்த படம். ரொம்ப நல்ல கிராபிக்ஸ்.

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்?பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?

நேரடி தொடர்பு இல்லை. அப்பா மட்டும் கிராமங்களில் படம் விநியோகம் செய்தாரா என்பது மட்டும் நிச்சயம் இல்லை.

கணவர் சினிமா கதை எழுதுவதாக சொல்கிறார். நான் எதாவது பாடல் பாடலாம். காசு வருமா?

பொழுது போக்கு அம்சம் ஆதலால், என்ன செய்ய முடியும் என்னால்?

10. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?

நல்லா தான் இருக்கு. நாக்க மூக்க லெவலில். நூறு படம் எடுத்தால், இரண்டு வெற்றி.

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?

ரொம்ப நல்லா இருக்கும். நிறைய வேறு மொழி படங்கள் பார்க்கலாம்.

*******
நிறைய பேர் எழுதிட்டாங்க. அதனாலே, என் வாசகர்கள் படித்தால், அவர்களும் எழுதவும். எனக்கு ஒரு கமன்ட் மூலம் சொல்லுங்கள்! நன்றி.